అదృష్టమంటే ఇదే కదా.. లాటరీలో రూ.23 కోట్లు గెలుచుకున్న కర్ణాటక యువకుడు

అదృష్టమంటే ఇలాగే ఉంటుందేమో. 24 ఏళ్ల కర్ణాటక యువకుడిని ఏకంగా రూ.23.18 కోట్ల (12 మిలియన్ దిర్హమ్‌లు) లాటరీ వరించింది. దక్షిణ కన్నడ జిల్లా అయిన సుళ్య ప్రాంతానికి చెందిన మహ్మద్ ఫయాజ్ ప్రస్తుతం ముంబైలోని ఓ ప్రైవేటు కంపెనీలో అకౌంటెంట్‌గా పనిచేస్తున్నాడు. ఇటీవల అబుదాబి అంతర్జాతీయ విమానాశ్రయంలో జరిగిన ఆన్‌లైన్ బిగ్ టికెట్ రాఫెల్‌ లాటరీకి చెందిన టికెట్లను ఆన్‌లైన్‌లో కొనుగోలు చేశాడు.

తాజాగా, నిర్వహించిన ఈ డ్రాలో ఏకంగా 23 కోట్ల రూపాయలు తగలడంతో ఫయాజ్ నమ్మలేకపోతున్నాడు. తన అదృష్టానికి ఎగిరి గంతేస్తున్నాడు. బాల్యంలోనే తల్లిదండ్రులను కోల్పోయిన ఫయాజ్ ముంబైలో అన్న, అక్క, చెల్లెలితో కలిసి ఉంటున్నాడు.